navalla

Coitelo en que a folla se pode dobrar para que o gume quede gardado nunha fendedura practicada no mango.

Molusco lamelibranquio da superorde dos eulamelibranquios, coa cuncha alongada, curvada, de forma tubular e duns 10 a 15 cm de lonxitude, que cando está pechada se asemella a unha cana ou ao mango dunha navalla. Habita na area lamacenta, onde escava canles de ata 1 m de profundidade. É comestible e moi apreciada en gastronomía. Prepárase, normalmente, ao vapor cun pouco de limón ou á prancha, despois de deixala macerar en allo, pirixel, sal e aceite.

Calquera molusco da familia dos solénidos.