nectarínido -da

Relativo ou pertencente aos nectarínidos.

Ave da familia dos nectarínidos.

Familia de aves, da orde dos paseriformes, de pequenas dimensións , que presenta a lingua protáctil, de punta bífida e pegañenta, sen filamentos, cos bordos dos terzos basais en forma de dobre tubo, 10 rémixes primarios e os tarsos delgados e curtos. Aliméntanse de néctar e de pequenos insectos, e comprende catro xéneros, Arachnothera, Cinnyris, Chalcomitra e Nectarinia, que habitan nas selvas tropicais e subtropicais de Asia, África e Australia.