neno -na

1. Termo da xerga dos cesteiros que corresponde á voz ‘non’.

2. s

   1. Persoa que se atopa na nenez. Na tradición oral recóllense ditos como: “Amor de neno, auga nun cesto. Quen con nenos se deita, cagado (luxado) amañece (se ergue, se levanta). Quen con nenos se deita, pola mañá apesta. Ao neno e á muller dille só o que che conviñer. A muller e o neno só calan o que non souberon. Nena, viña, pereira e fabal son malos de gardar. O que o neno oíu na casa, vaino dicir ao curral. Os nenos e os tolos din as verdades”.

      Ex: Os nenos da clase do meu irmán non estudan nada.

   2. Fillo de pouca idade.

      Ex: O segundo neno nacerá o vindeiro abril.

3. s

   Rapaz novo.

   Ex: O novo profesor de ximnasia é un neno.

4. s

   Persoa que ten pouca experiencia.

   Ex: Aínda é un neno para manexar a máquina nova.

5. neno da teta

   Neno pequeno, aínda lactante.

6. neno do berce

   Neno que acaba de nacer.

Frases feitas

• Ser (coma) un neno. Presentar unha persoa adulta unha conduta e un comportamento inmaduro, irreflexivo e inxenuo. Ex: Tes que madurar, que xa non es un neno para andar con eses mecos.

Refráns

• Mandar rapaces á vendima é cousa perdida.
• Neno dun ano saca o leite do calcaño.
• Neno dun ano, vara de pano.
• O bacoriño e o meniño, onde llé dan o bocadiño.
• O labor dos rapaces é pouco mais quen o perde é un louco/tolo.
• O neno e o peixe na auga crecen.
• O neno quere ser lavado e andar limpo.
• Os rapaces non son homes.
• Os rapaces son os mellores homes.