Neofelis

Xénero de mamíferos carnívoros, da familia dos félidos, que miden máis dun metro de lonxitude e presentan unha cola de 60-90 cm. Os machos pesan uns 45-65 kg e as femias 20 kg. O pelame é de cor gris ou ocre, con elipses escuras. Aliméntanse de aves e mamíferos de mediano tamaño. Distribúense polo S de China, Burma, Indochina e nas illas de Sumatra, Borneo e Taiwán. Habita nas selvas onde a vexetación é densa.