noiro

Inclinación do paramento dun muro, dun desmonte ou dun terraplén.

Desprendemento de terras que ás veces serve de linde.

Terreo pendente, algo elevado e case sempre cuberto de mato, que serve de linde entre leiras e camiños.

Terreo moi inclinado á beira dun río.

Escarpa submariña de forte pendente situada entre a plataforma continental e a zona dos fondos oceánicos medios, é dicir, entre os 180 e os 2.000 m de profundidade, aproximadamente. Os sedimentos do noiro denomínanse batiais.

Pendente que tende a tomar naturalmente a superficie dunha materia amontoada e que depende da forma e da medida dos grans ou fragmentos, da súa densidade e estado higrométrico.