notodóntido -da

Relativo ou pertencente aos notodóntidos.

Insecto da familia dos notodóntidos.

Familia de insectos pterigotos, da orde dos lepidópteros, que se caracteriza por unha pilosidade abundante que forma unha crista por riba do tórax, conspicua en repouso, xa que adoitan pregar as ás, poñéndoas en ángulo obtuso. Son macrolepidópteros nocturnos, de cores crípticas e coa espiritrompa atrofiada. Esta familia inclúe dúas subfamilias: os notodontinos, eirugas con cores rechamantes que adoptan posturas intimidantes e que evaxinan tubos defensivos do apéndice anal bífido; e os taumetopeinos, denominados habitualmente procesionarias, eirugas gregarias e urticantes.