novidade

1. s f

   Calidade de novo.

2. s f

   Cousa nova, polo feito de constituír unha innovación, unha invención, un acontecemento extraordinario ou porque hai pouco tempo que existe ou que apareceu.

   Ex: A creación do parque foi unha novidade para a veciñanza.

3. s f

   Suceso inesperado ou alteración no transcurso dun evento.

   Ex: Todo transcorreu sen novidade.

4. s f

   1. Acontecemento que tivo lugar recentemente.

      Ex: As últimas novidades sairán no xornal de mañá.

   2. Información que se dá deste acontecemento.

5. s f pl

   Conxunto de produtos novos que saen ao mercado.

   Ex: Xa puxeron as últimas novidades no escaparate.

Refráns

• A novos feitos, novos consellos.
• Cada día que amañece, cousas novas amañecen.
• Cada día que amañece, novas cousas acontecen.
• Cada día vense máis cousas novas que asemellan vellas.