Ogino-Knaus, método de

Método de control da natalidade, proposto case simultaneamente por K. Ogino e H. Knaus, que se basea na lei que leva o mesmo nome. Consiste en evitar as relacións sexuais durante os períodos fértiles da muller, que son os días comprendidos entre o décimo noveno e o duodécimo, ambos os dous incluídos, antes da regra. Dada a irregularidade que presenta o ciclo de moitas mulleres, resulta un método bastante azaroso. A porcentaxe de erro redúcese cando se complementa co control da temperatura basal.