Olbia

Antiga cidade grega de Escitia fundada polos milesios a mediados do s VII a C na costa NO do Mar Negro. Converteuse rapidamente nun núcleo comercial importante grazas ao intercambio de produtos entre gregos e escitas. Caeu en decadencia no s III a C e pasou ao control de Mitridates VI do Ponto, pero en 250 os godos tomárona e destruírona. As escavacións proporcionaron un extraordinario material arqueolóxico do s VII a C e seguintes.