Old Vic

Compañía teatral británica especializada en producións de obras de Shakespeare, que contou co traballo de directores como L. Olivier, R. Richardson e J. Burrell. Tamén recibiu este nome o edificio que acolleu as representacións desta compañía, construído en Londres, na Waterloo Bridge Road (1818), co nome de Royal Coburg Theater, que en 1833 cambiou polo de Royal Victoria e, posteriormente, polo diminutivo e familiar de Old Vic Theatre. Foi eventualmente o lugar onde representou as súas obras a compañía do National Theatre (1963).