oppidum*

s m [HIST]
1. Lugar ou poboado fortificado de época protohistórica e romana. Os oppida construíronse en Europa Central e Occidental durante a Idade do Ferro e no caso galego desenvolvéronse durante a fase castrexo-romana da cultura castrexa (ss II-I a C). Consideráronse como núcleos habitados, relativamente grandes e dotados dunha entidade político-administrativa e dun certo grao de urbanización.
2. Cidade distinta de Roma, para os romanos.
3. Capital dunha civitas.
s m [HIST/CONSTR]
Corpo arquitectónico que pechaba os extremos dun circo e desde onde partían os competidores, na antiga Roma.

Palabras veciñas