Ortegal

Revista publicada en Ortigueira a partir de 1988. Cesou en 1990. Subtitulada “Revista cultural e informativa da comarca”, estivo dirixida por Rafael Vierna Pita e por Obdulia Dopico Cachán (a partir do nº 4). Editada pola Asociación da Comarca de Ortegal, saíu cada dous meses, aínda que con bastante irregularidade. Mostrou interese polas enerxías renovables, a conservación do medio e as especies protexidas.