óxido

Combinación de osíxeno con calquera elemento, excepto o flúor. Tamén reciben este nome algúns epóxidos simples (como o óxido de etileno), formas oxidadas dos nitrilos e das aminas, e algunhas substancias que conteñen osíxeno na súa estrutura (como o óxido de cacodilo e o óxido de mesitilo). Os óxidos obtéñense xeralmente por reacción directa do osíxeno co elemento a alta temperatura. Tamén poden obterse por descomposición térmica de outras substancias máis complexas e por reacción co osíxeno de compostos tales como hidrocarburos metálicos, sulfuros e haluros. De acordo coa súa reacción á auga, os óxidos poden clasificarse en ácidos (denominados antigamente anhídridos), básicos e anfóteros. Os óxidos teñen un gran número de aplicacións na industria.

Capa de óxido de ferro hidratado que se forma na superficie dos obxectos de ferro por mor do aire ou da humidade. 

Nome do anión O 2- , cuxa existencia estivo postulada na estrutura cristalina dos óxidos iónicos. OBS: A grafía <x> representa o son [ks].