Pan de Cea

Indicación Xeográfica Protexida creada por Orde de 16 de abril de 2004 da Consellería de Política Agroalimentaria e Desenvolvemento Rural, e recoñecida pola UE en 2005. É un produto elaborado de forma artesanal en San Cristovo de Cea. Comercialízase en dous formatos: a bola de Cea (entre 1 y 1,3 kg de peso) e o molete (de 500 a 600 gr). Elabórase tradicionalmente en fornos de pedra e os ingredientes son auga, sal, fermento e fariña, sen ningún aditivo.