panel

(< fr panel)

s m
Taboleiro ou plafón de gran superficie que se emprega en diversas aplicacións técnicas, construtivas ou arquitectónicas.
1. s m
  Taboleiro de diversos materiais que se emprega para amosar información de cara ao público.
2. s m
  Taboleiro que contén os mandos e os indicadores de información para o uso correcto dunha máquina de instalación.
3. panel direccional
  Dispositivo de guía formado por unha prancha metálica plana cunhas puntas de frecha debuxadas, que prohibe o paso e informa sobre o sentido de circulación que hai que seguir.
s m [MAR]
1. Conxunto de táboas situadas a babor e a estribor, nas embarcacións de remos, que serven de asento aos que vogan.
2. Compartimento das lanchas pesqueiras onde se baleira o peixe que se recolleu coas redes e cos aparellos.
panel luminescente/electroluminescente [TECNOL]
Aparato de iluminación que consiste nunha placa de materia plástica recuberta dunha substancia fluorescente que produce luz por electroluminescencia ao aplicarlle unha tensión eléctrica.
panel radiante [TECNOL]
Elemento de calefacción que consiste nunha gran superficie que se mantén a unha temperatura moderadamente elevada e quenta un cuarto ou unha sala por radiación.
panel solar [TECNOL]
captador solar.

Palabras veciñas