pantoténico, ácido

Compoñente do complexo vitamínico B. É o factor antidermatítico do polo e un factor de crecemento de lévedos e bacterias. É compoñente do coenzima A e como tal intervén no proceso metabólico dos glícidos, e tamén é necesario para a síntese de ácidos graxos, esterois e hormonas esteroides. É un líquido aceitoso amarelo, soluble na auga e nos disolventes orgánicos. Emprégase en medicina e en nutrición en forma de sal cálcico.