parachoques

Cada unha das pezas montadas na parte anterior e posterior da carrocería dun vehículo automóbil para protexelo contra os choques de pouca importancia. É o elemento máis saínte da estrutura e, nos vehículos pesados, consiste nuns perfís de aceiro; nos turismos modernos adoita estar formado por unhas pezas moldeadas en plástico, poliéster ou noutro material, de gran resistencia aos impactos.

Cada un dos dispositivos, que van colocados nunha sólida construción metálica ou de obra ao final dunha vía férrea, para deter os trens, os vagóns ou as locomotoras se a freada é insuficiente.