² patín

Cada unha das pezas, xeralmente metálicas e especialmente resistentes, que, fixadas á parte inferior da fuselaxe dalgúns avións militares ou dalgunhas avionetas e planadores con tren de aterraxe non formado por rodas, permiten aterrar en terreos accidentados.

Peza metálica fixada á parte inferoposterior da fuselaxe dalgunhas avionetas non provistas de rodas de aterraxe na cola que se desliza por terra na fase final da aterraxe.

Embarcación que consiste en dous flotadores paralelos, xeralmente de madeira, unidos por dous ou máis traveseiros, impulsada por un ou máis remos de dobre pa, e empregada para paseos pola auga ou en competicións deportivas.

Embarcación semellante a un patín pero propulsada por unhas pequenas paletas accionadas por pedais.

Patín provisto dunha vela, en substitución do remo dobre como sistema de propulsión, desprovisto de temón e gobernado polo corpo do tripulante ao cambiar este de posición. O seu peso é inferior a 100 kg.