peitoral

(< lat pectorāle)

[ANAT]
1. adx
  Relativo ou pertencente ao tórax, ao peito ou á cintura escapular.
  Sinónimos: pectoral.
2. peitoral maior
  Músculo par, amplo e triangular, situado na parte anterosuperior do tórax. É adutor do brazo e inspiratorio.
3. peitoral menor
  Músculo situado baixo o peitoral maior, que se insire entre as primeiras costelas e a apófise coracoide. É depresor e adutor do músculo.
adx e s m [MED]
Aplícase ás preparacións farmacéuticas cunha acción medicamentosa que consiste en aumentar ou fluidificar a secreción bronquial e facilitar, polo tanto, a súa expulsión pola tose.
Sinónimos: expectorante, pectoral.
s m
1. [RELIX]
  Cruz de ouro ou de prata, a miúdo con pedras preciosas encastadas, que os bispos e outros prelados levan colgada cun cordón ou cadea sobre o peito.
  Sinónimos: pectoral.
2. Peza de ourivaría ou de tea bordada, a miúdo gornecida con pedraría, utilizada na Antigüidade polos faraóns, polos grandes sacerdotes hebreos ou por outras xerarquías relixiosas.
  Sinónimos: pectoral.
3. Xoia de forma cuadrangular utilizada antigamente para suxeitar a capa sobre o peito.
  Sinónimos: pectoral.

Palabras veciñas