pelar

1. v t

   1. Quitar a pel a unha froita ou a un tubérculo.

      Ex: Pelou as patacas para a tortilla.

      Sinónimos: debullar, depelicar, depenar, desbullar, descascar, espelicar, estonar, mondar.

   2. Quitar a casca ou a cortiza a unha árbore.

      Ex: Pelou o pau para que durase máis tempo.

      Sinónimos: descascar, escascar. Confrontacións: descortizar, mondar.
2. v t

   1. Quitar ou arrancar o pelo ou a pel a un animal.

      Ex: O carniceiro pelou os coellos.

   2. Quitar as plumas a unha ave.

      Ex: Pelaron os galos con auga quente.

      Sinónimos: depenar, despenar, desplumar.
3. v t

   Causar unha queimadura a alguén nalgunha parte do corpo.

   Ex: Sabela pelou un brazo coa pota.

   Sinónimos: queimar.
4. v t

   Cortar o pelo moi curto.

   Ex: O perruqueiro pelou os soldados.

   Sinónimos: rapar.
5. v t

   Deixar a alguén sen cartos, especialmente mediante o xogo ou o engano.

   Ex: Pelárono no bingo.

6. v i

   Estar algo tan quente que pode producir queimaduras.

   Ex: Non lle toques á cazola que pela.

   Sinónimos: queimar.
7. v i

   Quedar sen pelo ou pel algunha parte do corpo.

   Ex: Queimouse na praia e agora pélalle o nariz. O gato debe estar enfermo porque pela.

8. v pron

   Sufrir unha queimadura alguén nalgunha parte do corpo.

   Ex: Quixen apartar a pota e peleime.

Frases feitas

• Facer/Ir un frío que pela. Facer ou ir moito frío.