Pena da Portela, torre da

Construción situada en Xinzo de Limia. Formou parte dunha fortaleza abandonada no s XVIII e non se sabe con certeza a data da súa construción. Puido edificarse en época sueva, no s XII; no contexto das loitas entre Tareixa de Portugal e a súa irmá, a Raíña Urraca; ou no s XIV durante as Guerras Irmandiñas. Situada no cumio do monte da Pena, formaba parte das catro torres (Pena da Portela, Sandiás, Celme e Porqueira) que protexían a lagoa de Antela. Ten planta cadrada e conserva a porta, o cadeirado e as ménsulas. Ao ser unha construción defensiva case non ten vans. O duque de Lancaster tomouna en 1386 cando pertencía aos Biedma. Posteriormente pertenceu aos Monterrei, que mantiveron cos Lemos un litixio pola súa posesión. Foi declarada BIC en 1994.