Pequeña Patria, La
Pequeña Patria, La
[PUBLIC]
Revista publicada en Santiago de Compostela a partir do 10 de novembro de 1890 e que cesou o 28 de novembro de 1891. Subtitulada “Revista decenal de literatura, ciencia y artes”, saía cada dez días e foi a continuadora de Galicia humorística, pero cun ton máis rexionalista. Dirixida por Enrique Labarta Pose e Xosé Tarrío García, ademais de artigos rexionalistas, publicou biografías de galegos distinguidos, poemas e relatos, e contou coa colaboración de intelectuais como Antonio de la Iglesia, Manuel Murguía e Xoán Neira Cancela.