perisodáctilo -la

Relativo ou pertencente aos perisodáctilos.

Mamífero da orde dos perisodáctilos.

Orde de mamíferos, da infraclase dos placentarios. As especies desta orde caracterízanse polo feito de que, aínda sendo dixitígradas e unguladas, teñen as extremidades longas co desenvolvemento predominante do terceiro dedo, de tal xeito que o peso do corpo gravita sobre el, ao quedar moi reducidos os dedos laterais. O seu réxime alimentario é herbívoro, e teñen un estómago simple pero cun cego moi voluminoso. A orde inclúe catro familias, das que só tres teñen representantes: os brontotéridos (fósiles), os équidos, os tapíridos e os rinoceróntidos.