perlita

(< perla + -ita)

[IND]
1. s f
  Mestura eutéctica da ferrita e cementita, que é un dos constituíntes das aliaxes férricas, con forma xeralmente de placas ou láminas microscópicas. No aceiro está constituída por sete partes de ferrita e unha de cementita, e contén un 0,85% de carbono.
2. perlita granular/globular
  Perlita en que a cementita se presenta na mestura en forma de gránulos e non de láminas ou placas.
s f [XEOL]
Rocha volcánica, vítrea, moi ácida e de textura en capas concéntricas, que contén concrecións esféricas semellantes ás perlas. Ten unha estrutura celular pechada e gran capacidade de retención de auga. Utilízase na agricultura como substrato.

Palabras veciñas