potto

Primate prosimio da infraorde dos lorisídeos, duns 35 cm de longo, sen a cola, que chega a 5-10 cm; de corpo macizo, pelaxe terrosa agrisada ou terrosa avermellada escura, vértebras cervicais con apófises espiñosas moi desenvolvidas, e cabeza arredondada cos ollos grandes e o fociño algo saínte. Nocturno e insectívoro, nútrese tamén de pequenos vertebrados. Habita nas selvas da África ecuatorial.