precipitación

1. s f

   Acción de precipitar ou precipitarse.

2. s f

   Présa excesiva na realización de algo.

   Sinónimos: apresuramento.
3. s f [METEOR]

   Auga que procede da atmosfera e que en forma líquida ou sólida se deposita sobre a superficie da terra.

4. s f [QUÍM]

   Separación dunha disolución en forma de precipitado. A precipitación dun composto a partir dunha disolución pode conseguirse por diversos métodos, tanto físicos como químicos. Dos primeiros cómpre salientar tanto a concentración por evaporación de disolvente como o rozamento, que poden conducir a unha sobresaturación (solubilidade). Dos métodos químicos, o máis empregado é a adición dun reactivo coñecido como precipitante, que pode actuar formando un composto insoluble cos ións ou moléculas existentes no medio considerado, ou ben variando a polaridade deste medio.

Refráns

• Aínda non pariu a cabra e xa o cabrito mama.
• Anda a horne ao trote para levar cachote.
• Anda o home a galope para levar á fin xarope.
• Auga calle con arneiro quen se bota de lixeiro.
• fillo aínda non o ternos e xa nome lle poñemos.
• Inda non asamos e xa pingamos.
• Inda non pariu a cabra e xa o cabrito mama.
• Mentres que está o capador enriba dela, non digas que a parca é túa.
• Non digas Pillei o gato mentres non o teñas no saco.
• Non te botes a cantar, se non sabes o que has cantar.
• O fillo por nacer e as sopas xa están a ferver.
• O sabio pensa as causas e o parvo fainas.