prender

1. v t

   Suxeitar algo ou a alguén para que non se mova ou escape.

   Ex: Prendeu a vaca a un carballo. Prendeu as follas cun clip.

2. v t

   Deter a alguén para metelo no cárcere.

   Ex: Viñeron os gardas e prendérono.

   Sinónimos: apresar.
3. v t

   1. Acender o lume nalgunha cousa.

      Ex: Prendeu o lume no monte. Prendeulle lume á casa.

   2. Facer que haxa luz accionando un dispositivo.

      Ex: Prendeu as luces de toda a casa.

      Sinónimos: acender.

   3. Acender algunha cousa con lume ou co instrumento axeitado.

      Ex: Prendeu o cigarro. OBS: Nalgunhas construcións omítese o complemento e adquire valor absoluto. Ex: Os mistos non prenden porque están humidos.

4. v i

   Quedar collida ou engarrada unha cousa noutra.

   Ex: O cadea prendéralle no xersei.

   Sinónimos: enganchar.
5. v i

   Enraizar unha planta ou ou ir adiante un enxerto.

   Ex: Os enxertos non prenderon. As tomateiras que puxen xa prenderon.

6. v i

   1. Pasar algo a facer o seu efecto.

      Ex: A vacina prendeulle sen problemas.

   2. Comezar a arder unha cousa.

      Ex: O lume prendeu no segundo piso e estendeuse pola casa.

7. v i

   Callar o leite.

8. v i

   Tatexar levemente.

   Ex: Cando se pon nervioso prende un pouco. OBS: Adoita usarse na construción prender na fala.

Frases feitas

• Prender o sono. Quedar durmido.