prometio

Elemento sintético, de número atómico 61 e peso atómico 144,913, da familia dos lantánidos. A súa existencia foi predita en 1902 por J. Branner e confirmada teoricamente en 1914 por H. Moseley, e obtido por primeira vez en 1945 por J. A. Marinsky e o seu equipo mediante fisión de uranio e bombardeo de neodimio con neutróns, seguido da separación por cromatografía de cambio iónico. Está totalmente ausente da codia terrestre, pero detectouse espectroscopicamente nalgunhas estrelas novas. Coñécense del 13 isótopos, todos radioactivos, con masas que van de 141 a 154. Forma sales clorados, con luminescencia pola radioactividade do metal. Pode empregarse como emisor de radiación â e, absorbido nun material fosforescente, como fonte de iluminación.