punteiro

Barra de ferro rematada en punta que se utiliza para furar, picar ou facer marcas.

Pau ou vara longos que se utilizan para sinalar.

Agulla do reloxo.

Parte da gaita en que se produce a melodía ao modificar o son da palleta mediante uns furados que se corresponden coas notas da escala melódica. Consiste nun tubo cónico de madeira, a diferenza dos orientais europeos que son cilíndricos. A parte inferior é acampanada e a superior remata nun espigo que se insire na buxa do punteiro e no que vai colocada a palleta. A lonxitude varía dependendo da tonalidade, e así os máis longos dan notas máis graves e os máis curtos notas agudas. Existen tres tipos tradicionais de punteiros dependendo da súa afinación: o punteiro tumbal, afinado en si grave, o punteiro redondo, afinado en do, e o punteiro grileiro, afinado en re. Ten dez ou once furados: oito melódicos e os outros precísanse para a boa sonoridade.

Icona, xeralmente en forma de frecha, que sinala na pantalla do monitor a posición do rato.