quirófano

Local especialmente acondicionado para realizar nel intervencións cirúrxicas. O seu desenvolvemento histórico está ligado á importancia da esterilidade e do control microbiolóxico das enfermidades e dos centros hospitalarios. Foi a partir da Segunda Guerra Mundial cando se impuxeron unha serie de criterios na súa concepción e construción e, logo, no seu funcionamento e dotación, para reducir as infeccións e conseguir unha maior limpeza.