querubín

Espírito celestial -anxo- que forma parte do terceiro coro da orde anxélica na xerarquía de Pseudo-Denís. O nome provén de karibu, divindade asiria que intercedía polos homes diante dos deuses principais e que se representaba en forma de home, touro, aguia ou león alado. A Biblia mencionounos en relación ao Paraíso e na representación diante da Arca da Alianza e no templo de Salomón.

Pintura ou escultura que representa un neno con dúas ás.

Anxo representado cunha cabeza de neno con dúas ás.

Persoa dunha gran beleza, especialmente un neno.