químico -ca

Relativo ou pertencente á química.

Especialista en química.

Sector que integra todas as actividades industriais dedicadas á manufactura de elementos químicos e dos seus derivados. Inclúe dous grandes subsectores: o da química inorgánica ou mineral e o da química orgánica. Os produtos principais que integran o primeiro son: ácidos, bases, anhídridos e óxidos inorgánicos, gases nobres, sales inorgánicas, auga osixenada e haluros non metálicos. O subsector da química orgánica engloba principalmente toda a química do carbono e os seus derivados. Cómpre engadir, ademais, outros sectores importantes na industria química, como son os produtos farmacéuticos, os de perfumaría e cosmética, pinturas, xabóns e deterxentes, resinas sintéticas, materiais plásticos e caucho sintético, colorantes e pigmentos, e fertilizantes. Desde o punto de vista económico, a industria química foi a vangarda do desenvolvemento económico mundial. Ata 1974 foi unha das ramas industriais cun crecemento máis elevado e acadou grandes volumes de produción.