quinorrinco -ca

Relativo ou pertencente aos quinorrincos.

Individuo do filo dos quinorrincos.

Filo de animais triploblásticos, acelomados, de posición sistemática incerta e simetría bilateral, que comprende individuos de pequenas dimensións (ata 1 mm), exclusivamente mariños. Son vermiformes, co dorso curvado e a parte ventral plana, cun tronco e unha cabeza provista dunha trompa retráctil abovedada de espiñas quitinosas. Están revestidos dunha cutícula articulada, semellante a unha armadura, formada por aneis ou segmentos. Forman parte da fauna mariña intersticial e viven nos rizomas das fanerógamas mariñas, soterrados na area ou entre as algas litorais.