² renda

Agregado macroeconómico fundamental que indica o valor de todos os ingresos derivados da participación dos diferentes factores no proceso de produción durante un tempo determinado, xeralmente un ano. Neste sentido, a renda nacional coincide co produto nacional neto. O cálculo da renda nacional poderase facer por tres vías alternativas: pola vía de produción, é dicir, a suma dos valores engadidos netos de todos os procesos produtivos durante o período considerado; pola vía de ingreso, a suma de todas as rendas ou ingresos correspondentes aos factores de produción subministrados no proceso produtivo do ámbito considerado, antes de deducir os impostos indirectos e antes da dedución previa dos pagamentos por transferencia e das rendas derivadas; e pola vía de gasto ou de destino das rendas, a suma de todos os gastos en consumo, incluíndo as subvencións e excluíndo os impostos indirectos, os gastos en inversión, máis as exportacións e as rendas da propiedade procedentes do estranxeiro menos as importacións e as rendas da propiedade pagadas no estranxeiro.

Relación por cociente entre a renda nacional e o continxente de poboación. É o índice xeralmente utilizado para a comparación de diversas economías, como tamén a determinación do nivel de desenvolvemento.

Agregado das rendas recibidas polas unidades económicas de consumo, as familias e as institucións privadas sen fins lucrativos. Calcúlase deducindo da renda nacional os beneficios non distribuídos, os impostos sobre sociedades e as cotas da Seguridade Social e sumándolle as transferencias recibidas polas economías domésticas procedentes do goberno e das empresas.

alor da renda calculado en prezos constantes ou en prezos deflacionados segundo un índice xeral de prezos.

Aquilo que se obtén como consecuencia da propiedade dun activo material ou financeiro, por unidade de tempo ou o pagamento efectuado polo uso, durante un período de tempo determinado, dun activo que pertence a outra persoa.

Sucesión de pagamentos equidistantes, en matemética financeira.

Remuneración, segundo os fisiócratas e os economistas da escola clásica, polas calidades naturais e indestrutibles da terra. Foi aplicado por extensión polos economistas neoclásicos a todos os factores de produción. Neste sentido fálase de renda económica como o excedente recibido polos factores produtivos, e de oferta limitada ou fixa, por riba da remuneración estritamente necesaria para manter estes factores. O concepto de renda económica naceu con David Ricardo (1772-1823) e asóciase estreitamente á terra. Para D. Ricardo, como consecuencia do aumento da poboación e da demanda de alimentos, compría incrementar a produción agraria cultivando novas terras, posto que nas terras xa cultivadas non se podía incrementar a produción segundo a lei de rendementos decrecentes. Estas novas terras serían de menor fertilidade, xa que obviamente se cultivarían en primeiro lugar as terras de máis calidade. Posteriormente Alfred Marshall (1842-1924) considerou que a renda se orixinou como consecuencia da rixidez da oferta de factores produtivos e distinguiu entre rendas duradeiras, coma a renda da terra entendida no sentido de D. Ricardo, e non duradeiras, como consecuencia da situación económica do momento ou pola situación de predominio dunha empresa no mercado.

teoría da distribución.

Conxunto de medidas que tratan de conseguir un acordo entre goberno, empresarios e traballadores con vista a establecer un control da suba dos prezos, rendas diversas e salarios. O obxectivo destas políticas é o restablecemento ou mantemento dunha taxa de beneficio sen alzas de prezos que impliquen unha deterioración do sector exterior.

Agregado que determina a renda que as familias e institucións privadas sen fins lucrativos teñen dispoñibles para investir en consumo e en aforro. Coincide coa renda persoal despois da dedución previa dos impostos persoais.

Avaliación da oscilación do patrimonio dunha persoa física ou xurídica nun intervalo de tempo dado, e que serve para calcular a base impoñible de determinados tributos, como o imposto xeral sobre a renda das persoas físicas ou o imposto xeral sobre a renda das sociedades.

Valor da renda nacional calculada nos prezos correntes de cada ano.