residuo

Parte, en xeral sen valor, que queda dun todo logo de tirarlle unha ou máis partes.

Materia que se obtén nunha operación química xunto co produto principal ou que queda tras un tratamento industrial ou unha transformación.

Característica analítica dos alimentos que se define como as substancias que quedan despois de tratalos con ácidos ou álcalis diluídos. Fundamentalmente son celulosa e lignina e coinciden en parte co residuo das racións, característica nutricional que consiste nas substancias non dixeribles pero necesarias para o funcionalismo intestinal.

Residuo que deixan os alimentos líquidos despois de seren evaporados en seco para eliminarlle a auga e outros produtos volátiles (aromas).

Produto ou substancia que queda dun proceso ou material nuclear logo de lle extraer o proveito desexado e que manifesta radioactividade. Pode presentarse en forma sólida, líquida ou gasosa e clasifícanse en emisores beta-gamma, que son produtos directos da fisión cunha vida media dunhas decenas de anos, e en alfa que son isótopos dos elementos transuránidos formados na absorción neutrónica subseguinte á fisión, con vidas medias moito máis longas (1.000.000 de anos para o neptunio 237). OBS: Emprégase sobre todo en plural.