rhythm and blues*

Música popular propia dos afroamericanos de EE UU, utilizada sobre todo no baile. Ten unha base predominantemente rítmica, en que se superpoñen melodías procedentes do gospel e do blues. Xurdiu na década de 1930 a partir, sobre todo, do boogie-woogie orquestral, e posteriormente derivou no rock-and-roll. Destacan os intérpretes Fats Domino, Ray Charles e Chuck Berry.