Ría de Arousa

Revista publicada en Santiago de Compostela a partir de febreiro de 1982. Editada por Publicaciones Unitarias e dirixida por Luis Cristobo, centrou a súa atención na comarca e na ría de Arousa, ademais das comarcas de Barbanza e do Salnés. Incluíu, ademais de artigos sobre o sector pesqueiro, conserveiro e marisqueiro, notas sobre literatura referentes a autores desas comarcas, e diversos apartados relacionados coa cultura, os deportes e a arqueoloxía.