Rial, Nosa Señora do
Rial, Nosa Señora do
Capela situada en Santo Ourente de Entíns (Outes). Datada en 1668, segundo consta nunha inscrición da porta da sancristía, pertenceu ao antigo convento de Santa María a Real ou de Santa Tasia, do que só se conservan unhas ruínas. Ten nave de planta rectangular con muros de cachotaría. Sitúase dentro dun recinto amurallado e nas súas proximidades consérvanse os restos dunha torre do s XVI.