rinobátido -da

Relativo ou pertencente aos rinobátidos.

Peixe da familia dos rinobátidos.

Familia de peixes condritios, da orde dos raiiformes, de corpo alongado e deprimido, con cabeza en forma de guitarra. As súas aletas peitorais fusiónanse lateralmente coa cabeza, e teñen dúas aletas dorsais iguais e a caudal ben desenvolvida. Costeiros e bentónicos, habitan nos fondos de area e lama e aliméntanse doutros peixes e de invertebrados. En Galicia danse as especies R. cemiculus e R. rhinobates.