rinolófido -da

Relativo ou pertencente aos rinolófidos.

Mamífero quiróptero da familia dos rinolófidos.

Familia de mamíferos, da orde dos quirópteros, caracterizados por ter o fociño provisto de 3 apéndices foliáceos (un dianteiro horizontal en forma de ferradura, outro vertical en forma de sela, e unha lámina vertical e posterior en forma de escalpelo), orellas sen antena ou trago, cola curta, e ás pregadas en posición de repouso arredor do corpo. Habitan en grutas e cavernas distribuídas polas rexións tropicais, subtropicais e temperadas de Europa, Asia, África e Australia. A familia inclúe un só xénero, Rhinolophus.