¹ risco

1. s m

   Trazo ou marca longa e delgada que se fai ao escribir ou debuxar para tapar ou sinalar algo.

   Confrontacións: riscada.
2. s m

   Corte feito nalgunha cousa como sinal de algo.

Refráns

• A estopa preto do fogo quéimase logo.
• Asenteime nun formigueiro: ¡douche ao diaño o asentadeiro!
• Can que lobos mata, lobos o matan.
• Cántaro que moitas veces vai á fonte, ou deixa no camiño a asa ou a fronte.
• Coas bragas enxoitas non se collen troitas.
• Deixa anda-lo can coa roca que el dará conta da mazaroca.
• Non sabe a raposa das galiñas que dormen fóra.
• O lume a carón da estopa, vén o diaño e sopra.
• O que corre polo muro non vai moi seguro.
• O que non arrisca, non pasa o mar.
• O que non monta a cabalo nunca cae do cabalo.
• O que non se arrisca non colle nin pisca.
• O que non se aventura non pasa o mar.
• Por medo aos paxariños, non deixes de sementar millo.
• Preso por mil, preso por mil e millenta.
• Quen cata o mel na colmea, sofre o aguillón da abella.
• Quen máis pon, máis perde.
• Senteime enriba dun formigueiro e nunca tiven tan mal asentadeiro.
• Tanto vai o cántaro á fonte que ao fin se esfachica e se rompe.
• Xusto é o mal que vén, se o busca quen o ten.