Ruiz

Apelido de orixe patronímica que provén do nome Roi/Rui. Trae por armas, en campo de ouro, dous lobos de sable, pasantes, colocados en pau; bordo de azul, cargado de oito aspas de ouro. Outro trae, en campo de goles, unha cruz de ouro, baleira; bordo de azul, cargado de oito aspas de ouro. Outro, en campo de prata, unha aciñeira de sinople, afroitada de ouro, sinistrada dun león da súa cor, abranguendo o tronco; bordo de azul, cargado de oito aspas de ouro. Outro, en campo de prata, unha barra de sable, bordo xadrezado de ouro e goles, de dúas ordes.