réquiem

Pregaria latina, que comeza coa frase Requiem aeternam dona eis, Domine (Dálles, Señor, o repouso eterno). Extraída do apócrifo Libro IV de Esdras, rézase como antífona ao final dos salmos ou como conclusión do oficio de defuntos, ou tamén como introdución da misa de defuntos.

Misa de defuntos, chamada tamén misa de réquiem, que comeza coa introdución Requiem aeternam, e que se celebra con ocasión de funerais, de cabodanos e na conmemoración dos defuntos.