S

Símbolo de sur.

Sigla de Suecia na placa do estado.

Símbolo de superficie ou sección.

Símbolo do siemens.

Símbolo, procedente do latín sinister, que indica que os substituíntes dun centro quiral son ordenados en sentido contrario ao xiro das agullas do reloxo, cando se aplica ao mencionado centro o procedemento da regra da secuencia.

Símbolo do xofre.

Símbolo da entropía.

Símbolo que se emprega para indicar un dos dous sentidos de torsión dun fío. Dise que un fío ten torsión S cando, posto verticalmente, as súas espiras parecen inclinadas no mesmo sentido que a parte central da letra S.