sadismo

Modalidade de comportamento sexual caracterizada polo feito de que o exercicio e satisfacción erótica e sexual é provocada polo sufrimento físico infrinxido a outro. O termo, introducido por Richard von Krafft-Ebing (1840-1902), alude ao marqués de Sade, algúns de cuxos personaxes literarios tipifican este comportamento. Psicoloxicamente o sadismo considérase por algúns como un comportamento primario -reacción, vinculada ao estadio anal, de impulso, de destrución e da agresividade do suxeito (secundariamente dirixida, no masoquismo, contra el mesmo)-, mentres que outros a teñen como a derivación dun primitivo masoquismo. A relación entre sadismo e masoquismo é tal que a miúdo aparecen asociados.

Compracencia no sufrimento dos demais.