samoiedo -da

(< ruso samoed)

1. adx
  Relativo ou pertencente ao pobo samoiedo, aos seus habitantes ou á súa lingua.
2. s [ETN]
  Individuo do pobo samoiedo.
3. s m pl [ETN]
  Pobo uraloaltaico con caracteres físicos mongoloides, dispersos pola tundra occidental, desde o río Pečora en Europa ata o río Khatanga, en Siberia. Moi rusificados culturalmente, a familia é de tipo patriarcal e agrúpanse en tribos rexidas por un xefe e pola autoridade espiritual do chamán.
4. linguas samoiedas [LING]
  Grupo de linguas do phylum urálico, subdividido nun subgrupo setentrional e nun meridional. Ao primeiro pertencen o iurac ou nenets, o tavgui ou nganassan e o ieniseiano ou enets. Forman o segundo o selkup e o camasiano. Os seus falantes están dispersos por zonas extensísimas da Siberia occidental e da costa ártica da Rusia europea. A partir de 1932 o iurac e o selkup teñen alfabeto cirílico e empréganse no ensino primario.
s m [ZOOL]
Raza de cans criados en Siberia polo pobo homónimo, onde se utiliza como animal de tiro de zorras, de compañía ou como can de pastor dos rabaños de renos.

Palabras veciñas