San Giovanni in Laterano

Basílica de Roma situada en Letrán, unha das catro maiores. É a catedral do bispado de Roma. O edificio actual foi construído baixo o goberno de diversos papas desde Urbano V, polos arquitectos D. Fontana (1543-1604) e F. Borromini (1599-1667). No interior, sobresaen as estatuas xigantes dos apóstolos, realizadas en mármore gris, situadas na nave central. A fachada, onde están as estatuas de Cristo e os apóstolos, é obra de A.Galilei (1734?).