santiaguiño

Crustáceo decápodo de corpo alongado de ata 12 cm de lonxitude, con patas marchadoras sen pinzas, excepto as femias que as teñen no quinto par, rostro pequeno con tres dentes e de cor marrón parda. O caparazón e o telson son rectangulares. Vive en zonas infralitorais rochosas, ata os 50 m de profundidade, e pode atoparse no Mediterráneo e no Atlántico oriental. OBS: Tamén se denomina cabaleiro de Santiago, lagostino francés e moucho.