Saxifraga

Xénero de herbáceas, da familia das saxifragáceas, duras na base, perennes e de follas simples, máis ou menos partidas, alternas ou basais. As flores poden ser de diversas cores, pentámeras, períxinas e están dispostas en cimas ou panículas. O froito é en cápsula. Algunhas especies son plantas de xardín. En Galicia destaca a presenza da especie S. granulata, de ata 50 cm de altura e con flores brancas.