sebo

(

s m [BIOQ/ALIM]
Graxa sólida obtida por fusión e refinamento dos tecidos adiposos dos bóvidos ou doutro gando. Neste último caso, indícase o nome da especie da que procede. O sebo dos bovinos é branco ou amarelento, con olor e sabor característico e consistencia firme. O dos ovinos e o dos caprinos é máis branco e duro, pero ten un forte olor que fai que non sexa apropiado para a alimentación. É un alimento enerxético, difícil de dixerir. Se non se conserva de modo adecuado, protexido do aire e da luz, ponse rancio. Do sebo derretido obtense oleomargarina. O sebo emprégase tamén para facer candeas ou xabóns e na preparación de ungüentos.
s m [FISIOL]
Secreción lipídica de carácter excretor, que ao mesmo tempo lubrifica e impermeabiliza os pelos.
s m
Gordura ou exceso de graxa nas persoas.

Frases feitas